من طرف نبتدى من الاول وتخيلوا معايا الموضوع كويس
فى الاول انت شفتها اعجبت بيها اوى ده بعد ما سمعت عنها وعن اخلاقها كتيير اوى
حاولت كتيير وكتيير تكلمها مكنتش بتديك وش وده كان بيزود اعجابك بيها
ويخليك تحاول اكتر تكلمها وتوصل لقلبها وتخليها تحبك
وبعد المحاولات الغريبه فعلا قدرت تخليها تحبك
وطبعا عشان تخليها تحبك غيرت من نفسك ومن اخلاقك كتيير عشان تشوفك
احسن واحد فى عنيها وبالتالى تحبك
وفعلا خلاص شافتك انسب واحد ليها ومش هتلاقى غيرك تحبه ومينفعش
تسيبك فى يوم من الايام ولو سيبتها يبقى حكمت عليها بالاعدام لانك بقيت
الهواء اللى بتتنفسه
يعنى وصلت للى انت عايزه يامعلم وبقت ماشيه معاك حلاوه
وخلاص بقيته تتعامله كحبيبين
وطبعا لانها بتحبك علمتك يعنى ايه حب واديتك كل اللى انت بتحلم بيه
وبقت تخاف عليك وتحبك اكتر من امك وتعامك زى الطفل اللى محتاج للحنان
والرقه والعطف
وانت طبعا مبسوط بكده وعجبك اوى الموضوع ده وطبعا
وطبعا انت المفروض تكون فى الفتره دى بتبادلها نفس الشعور منتا مش
هتشوف واحده بتحبك بالطريقه دى
بس الجديد فى الموضوع انك بدات تمل وعايز تغير
وزهقت من كتر الحب ده وتبدا تفكر بقى مع نفسك ازاى تخلع من الحب ده
وزى ما تكون بتردلها الجميل وتبقى نتيجه الحب والحنيه وكل اللى عملته
عشانك انك تعذبها معاك
وبعد ماكنت بتجرى وراها وبتحاول على طريقه تكلمها بيها بقيت بتبعدها عنك
وتحاول تدور على طريقه تسيبها بيها
وحتى لما اديتلك قلبها فاضى عشان انت تملاه حب ومشاعر رقيقه مليته انت
غدر وجرح ومشاعر حزينه
وبعد ماعلمتك ازاى تحب وتحس علمتها انتازاى تكره وعلمتها معنى الجرح
الله يابرنس هو ده رد الجميل
صدقنى انت فى الحاله دى لازم تكره نفسك وتعرف ان انت بقيت مالكش قلب او
مات من كتر علاقاتك مع الطرف التانى
طب مش حرام عليك يعنى انت كرهتها فيك وكمان كرهتها فى الحب لانها بعدك
مش هتعرف تحب تانى
طب كان ليه من الاول تعذبها معاك وانت عارف انت هتسيبها فى يوم من الايام
فبدل ما تسيبها لا تسيبها مجروحه وبتدور على دوا لجرحها
وصدقنى كده اعرف ان قلبك مات
