مذكرات دونكى

معاكم النهاردة دونكى العظيم _الحفيد السابع عشر لجدو دونكى
النهاردة ححكلكم حكاية حتسبتلكم اد إيه إحنا الحيوانات اوفيا مع بعض
مش زى الناس

لميت اصحابى الحميركلهم

ورحنا مع بعض فى فسحة كانت بعمرهم

مغامرتنا المرة دى حصلت الشهر اللى فات

لما رحنا جنينة الحوانات

الوقت هناك كان بيعدى بسرعة كبيرة

بس كلهم كانوا مشغولين بحيوانات الجنينة الكتيرة

لكن دونكى كان كل شوية يقول تعالوا يلا

عشان نفسى اتفرج على الغوريلا

رحنا عند القفص لقينا منظر جنان

الغوريلا مبسوطة والناس بتحدف لها موز وبرتقان

فى وسط زحمة الناس دية

دونكى قال انا حاعمل حركة مش عادية

وفضل يقلد الغوريلا فى حراكتها

ولقينا الناس إتلمت علشان الحركات عجبتها

وبعد شوية لقينا كل الناس

سابوا الغوريلا و إتلموا حوالين دونكى النسناس

ولأن دونكى ساعتها كان فايق

قعد يقلد حركات خلت الغوريلا تتضايق

وكل ما كانت حركات دونكى تحلو

الغوريلا تتغاظ لأنه واكل منها الجو

راحت استنت لغاية لما قرب منها

ومرة واحدة مسكته من القميص و شدته عندها

ولأن دونكى وزنه يدوب كيس كراتيه

راحت رفعاه ومعلقاه فى القفص من رجليه

دونكى بقى متعلق زى الفرخة المسلوخة

ومن قوة الخضة دية جاتله دوخة

ودنكى جاله مرض اسمه النسنسة

اللى فيه بيتصرف زى القرد وتصرفاته العادية بتتنسى

وهنا يا اصحابى اتعلمت من المقلب دة

انى ما اتريقش على حد حتى لو كان إيه

حتى لو كانت غوريلا

دى الغوريلا صعبة اوى يا جماعة

واحنا يا معشر الحمير

اضطرينا إننا نقدم اعتزار

و نقول فيه حقكم علينا يا معشر القرود

دى العشرة ما تهونش غير على الهنود

وإلى اللقاء
بااااى

وهنا يا اصحابى اتعلمت من المقلب دة

انى ما اتريقش على حد حتى لو كان إيه