ابليس فلس (قارورة اليأس)

قالوا ان ابليس فلس وقرر يعمل مزاد علشان يسدد ديونه وراحت كل الناس
للمزاد ده وكان كل واحد جايب معاه فلوس كتيره علشان عارفين ان اكيد فى
حاجات حلوة فى المزاد وفعلا افتتح المزاد وابتدت الناس تشترى القصور
والحاجات الحلوة والتحف وقعد ابليس هو وجنودة على جنب وكان الغريب ان
ابليس كان مش متاثر ولا قلقان فساله واحد من جنوده انت ليه مش مضايق ده
انت فلست بص ابليس على حاجه فى ايده وقال لا لسه بدرى فساله الجندى ايه
اللى فى ايدك ده فرد ابليس دى قارورة الياس طول ما هى معايا انا لسه ما
خسرتش حاجه واجتمع بجنودة وقالهم ماتخافوش احنا لو شدينا حيلنا شويه
واستخدمنا سلاح الياس هنقدر نرجع اضعاف اللى بعناه احنا نشوف الناس اللى
نفسياتهم تعبانه ونفضل نياسهم من حياتهم ونحسسهم ان مفيش فايده من اى
حاجه بيعملوها وان اللى بيحصل اكبر من ان اى حد يتحمله وهتلاقيهم همه
وحدهم جم لغايه عندنا اما يختاروا الفلوس او المخدرات او الجنس او
السلطه يعنى الاختيارات كتير بس المهم انهم هيبقوا معانا وساعتها هنسترد
اضعاف اللى بعناه (يمكن دى تكون قصه خياليه ولكن فى الحقيقه ابليس
دلوقتى بيحاربنا الحرب النفسيه اكتر من اى وقت فات تعالوا نصلى اننا ما
نستسلمش للضغوط والياس واننا نقدر نصمد قدام حرب ابليس الشرسه اللى
دلوقتى قى اغلبها نفسيه وفكريه احنا يمكن ما جربنهاش قبل كده او يمكن مش
متعودين عليها ربنا يدينا القوه نكمل معاه واذا سقطنا نقوم لان الرب نور