من طرف [size=21]عايزكم تطولوا بالكم شويتين
اخويا من النوع الشقى شوية ... اتخبط بالموتسيكل هو وواحد صاحبة ولاد الحلال خدوهم ولقحوهم فى المستشفى وراحو لحالهم...وطبعا بعد ما بلغونى بالخبر السار خدت بعضى وهاتك يا جرى على المستشفى العام...اخويا ملقح على الارض ومفيش فى بقة غير اة اة والتانى مش حاطط منطق خالص مالص...يا اخوانا فين الدكاترة المحترمين هنا يقولو مفيش اقلهم طيب والناس الى بتموت دى حد يعبرها يقولو كل واحد ياخد نصيبة..جاتلى فكرة عبقرية اصل اخوكم عبقرى قلت اخدهم وانفد بجلدى اعالجهم برة نطت فيها ممرضة شكلها زى شبشب الحمام وعملت فيها كبيرة وقالت ممنوع خروج العيانين على اساس انهم بيخافو عليهم يعنى ما علينا... المهم بعد ما هللتلهم وعملت زيطة وزمبليطة جابولى واحد معمش واخرس وعندة شلل اطفال وبيكح تراب وقالولى اهدى بقا ادينا جبنالك دكتور اقلهم فين يا عم الدكتور يشاورو على واحد فاضلة ربع ساعة ويبقا فى السكلانس وصدقونى من الغلب طلعتلة اتنين جنية فكة واديتة سجارة ...حار ونار فى جتتة...وقلتلة اتكل على اللة ربنا يوفقك.. طبعا عشان يحل عنى..وطبعا اخوكم منهار تماما... الى هو انا اخوكم احسن تفتكرو حاجة تانى... وتعدى ساعة واتنين واخر ما فاض بيا ومليت وحسيت اخويا هيضيع منى هو وصاحبة وقفت فعلا عاجز ومنهار تماما.. المهم اتصلت بالناس الحبايب وجو عشان يحلو الموقف... على البوابة عاوزين ياخدو من كل واحد اتنين جنية رسم زيارة.. متخدش فى بالك اصل الاتنين جنية بيلموهم ويحششو بيهم اخر الليل...قامت خناقة وطاخ طيخ طوخ بقا كلة يخبط فى كلة وفية اتنين بيموتو فى المستشفى... وبعد ما الامور هديت دخلو القرايب والحبايب والحريم وتحط تحت الحريم خمس خطوط حمرة....واشتغلو . يا لهوىىىىىىى. يا خراشىىىىى.والولاويل بقا....واختصر عليكم المشوار والحكاية عشان متزهقوش.... اخر الليل وبعد مفاوضات عميقة... اخدناهم مكسرين ومشرشخين فى عربية اسعاف وطلعنا بيهم على برة... وعلى فكرة العربية كانت فعلا مجهزة... مجهزة ازاى بقا بحجرين شيشة وعلبة سجاير روزمان لكل مريض وحتتة بانجو للمرافق الااول وحشيشة للمرافق التانى .. اما بقا الى بيجيب العيانين للمستشفيات دى بيعالجوة بالمجان مدى الحياة..يستاهل اصلة ميعرفش الى فيها.. يقلولة مجانا يفرح...والحق العرض قبل ميخلص
[/size]
