من طرف الانبا ونس الخميس سبتمبر 18, 2008 2:50 pm
بص يا شادى الانبا ونس دة شفيع ليا من زمان
وهوة تقدر تقول صاحبى مش شفيع وبس
مش علشان حاجات مفقودة وبس
لكنة انقذنى من مشاكل وبعد عن شر ناس كتير
هوة بيدافع عنى وبيحمينى طبعا الحماية من ربنا وهوة شفيع فى النقطة دى
وهوة صاحب مواقف حلوة معايا
منها
كنت فى القطر وكنت مسافرة و القطر وقف على الرصيف لكن اتحرك ومالحقتش انزل انا والبنات اصحابى انا كنت مغتربة وكنت بروح الكلية رايح جاى سفر
واللى حصل ان فى ناس كانت معانا فى القطر قالوا لنا
ان القطر اخرة هنا هوة كدا طالع المخزن
بتاع القطرات اطمنوا
المهم القطر ماشى بسرعة جدا وكان يوم امتحان
و بعد شوية لقيت الناس الى كان بيطمنوننا لقيناهم بيفتحوا باب القطر وبيقولوا المخزن عدى
القطر رايح فين
والامتحان
والكلية
لقيت الناس دول بيقولنا لنا يلا تعالوا ننط من القطر
انا ركبى سابت مقدرتش الموقف كان فظيع وبدأنا نتوتر طبعا
افتكرت الانبا ونس صرخت وقولت يا انبا ونس وقف القطر
وبالفعل القطر وقف
وكل الناس نزلت
طبعا القطر وقف فى الهو مش على رصيف ولا حاجة
نطيت واول ما نزلت لقيت اصحابى بيصوتوا باسمى وبيصرخوا صراخ فظيع
ببص لقيت لكم قطر جاى بسرعة فى المنطقى الى انا فيها
ركبى سابت ومقدرتش اتحرك
وكل الى عملتوا انى صرخت يا انبا ونس
لقيت القطر الى جاى بيهدى وراح وقف
ومن الخضة مكنتش قادرة اتحرك
عديت بالعافية قدام القطر ووصلت للناحية التانية
وبعدها اصبر لسة
جينا وانا ماشين بنحاول نشوف حتة تطلعنا على الشارع
ونعرف احنا فين
انا كنت ماشية على شريط سكة حديد كنت فكرة انة ملغى لانة كان صغير ومتبهدل
وكنت اخر واحدة كنا ماشين صف واحد كلهم قدامى بس لزقين فى الحيطة انا كنت ماشية على شريط القطر لقيت ولد بص ورا وقالى من فضلك ياانسة تعالى كدا شوية
طوعتوا و القى قطر يعدى جنبى على الشريط الى كنت ماشية علية
معرفش دى معجزة ولا موقف
موقف تانى
كنت وصلت البلد سوهاج البلد بقى والكلية وكنت واقفة منتظرة تاكسى ويبنى وبين نفسى بطلب الانبا ونس يحافظ عليا وبصلى
وفجاة لقيت صوت قنبلة ضربت جنبى بصيت لقيت تاكسى اتكسر من قدام
ونزل السواق عمال يشتم ويزعق ومش فاهمة مالوا
كان معايا واحدة صاحبتى لقيتا بتشيل الشنط و بتاعتى الناس اتلمت والى معاة عربية يقولى اوصلك لاى مستشفى وصاحبتى تشوف تاكسى يودينا مستشفى
وانا واقفة ساكتة مش بتكلم الناس انتى كويسة مش برد على حد
والراجل بتاع التاكسى بيزعق والناس بتحوشة عنى
ووقفوا تاكسى كدا وراحوا ركبونى فية و انا ساكتة زى ما انا ومش فاهمة
والراجل بتاع التاسكى الى بيشتم بيقول عايز منى فلوس ومش فاهمة فى اية
وبعد ما التاكس الى ركبتوا اتحرك صاحبتى قالت لى عاملة اية انتى كويسة
انا بصة لها ورحت قولت لها هوة فى اية
قالت لى المشكلة انك مش هتحسى بحاجة دلوقتى
وصلنا السكن السكن كان فوق مستشفى للكنيسة
ولقيتها عايزانى ادخل اكشف
قولت لها هوة فى اية
قالت لى فى اية
كل دة وتقولى فى اية
قالت لى التاكسى خبطك
انتى مش حاسة بحاجة قولت لها لا
خالص
وبعدين ببص على البنطلون لقيتوا مترب ولقيت الكيس الى كان فى ايدى مقطوع
مقولكش على الى كان جويا ساعتها وعلى شعورى افتكرت انى ساعتها بينى وبين نفسى كنت بكلم الانبا ونس وبقولة يخلى بالة منى وكدا افتكرت هوة كان حارسنى
وحمانى
واشكر ربنا انى عرفت الانبا ونس
ولو عايز تانى فى كتير مواقف ما اكثرها دة قديس عظيم وبيحبنى وانا بحبوا قووووووووووووى
لتكم شفاعة معنا جميعا
عدل سابقا من قبل الانبا ونس في الخميس سبتمبر 18, 2008 2:56 pm عدل 1 مرات
انا طيبة مش بسأل
