حبايبنا شباب اليومين دول (ربنا يستر)

حبايبنا شباب اليومين دول اسم الصليب عليهم الثقافة مقطعة بعضها .. قاعدين 24 ساعة في اليوم قدام الانترنت.
شباب اليومين دول يومه متشقلب . نهارة ليل وليله نهار .. وطبعا فين وفين لما يشوف اسرته او يقعد معاهم يتغدوا سوا ..

حبايبنا شباب اليومين دول لما تقوله يا ابني بلاش قعدة على النت كتير يقولك اما اعمل ابحاثي ازاي ( آل ابحاث آل ) ولما ابوه او امه ( ابوها او امها ) تقوله قوم زاكر تبقى القيامة قامت وتحول إلى وحش كاسر . ولو لا سمح الله لا سمح الله يعني والدته قالتلو قوم يا ابني اقرأ في الانجيل تلاقيه بيرد عليها بطرف مناخيره وبكل ألاطة ( من فضلك يا ماما .. المسائل دي تخصني وهي بيني وبين ربنا .. ولو سمحتي محدش يدخل بينا ) .. شوف الواد بيقول لأمه إيه .. قال بينه وبين ربنا قال ..

حدث ولا حرج عن اوقات الفراغ ولما الشيطان يلعب بدماغ الواحد تلاقيه بيفتح مواقع ملهاش لزمة أو يدور على حد جديد يتعرف عليه في دردشة برده مالهاش لزمة .. وصفحة تجر صفحة وغرفة تجر غرفة .. ويوم يجر يوم ..

والشاب من دول يلاقي بعد شوية العمر بيجري واصحابه بقوا حاجة وانا لسة قاعد قدام النت

حبايبنا شباب اليومين دول بينسوا ان النت سلاح ذو حدين واحد مفيد ونافع والتاني فيه سم وسمه قاتل.
حبايبنا شباب اليومين دول بيقضي وقت قدام النت اكتر ما بيقضيه مع عيلته ولا مع ربنا . فاكر ان العلاقة مع ربنا ان كل كام يوم يفتح موقع ديني وخلاص
حبايبنا شباب اليومين دول بقى سطحي وساذج مايعرفش حاجة عن نفسه ولا بيحاول يعرف ومايعرفش حاجة عن ربنا ومش بيحاول يعرف وفاكر انه كده هايبقى شاب كووول ولا بنت روشة

ياريت يا شباب نفتكر الاية اللي بتقول : ايها الاخوة الوقت منذ الان مقصر 1كو 7: 29
يعني ممكن المسيح يأتي في اي لحظة يسأني انت عملت ايه بالوقت اللي انا ادتهولك

وكمان الاية اللي بتقول
لست اسال ان تاخذهم من العالم بل ان تحفظهم من الشرير يو 17:15
يعني احنا عايشين في العالم لكن العالم مش ممكن يعيش فينا وبنستفاد من الاشياء زي الانترنت بدون ما يأثر بشره علينا



منقول

و الله عندك حق يا جيجي في كل كلمة قلتيها تلاقي الواد ولا البت مش فهمين اي حاجة في البطيخ و لو اتكلمتي معاهم تلاقي البت بتتكلم في اللبس و الموضة و يارتها حتي بتفهم فيهم و الواد يتكلم في الكورة و ياريته حتي بيفهم فيها و بعد سعتين كلام مع الشخصيتين دول تلاقي نفسك مستفتيش اي شئ من الكلام و منابك غير ضيعتي سعتين من عمرك بس في امل طول ما قلمك بيكتب في امل مرسي يا قمراية علي الموضوع الرائع ده

ردك وكلامك رائع جداااا


اكتر حاجه بتتعمل على النت اليومين دول الشات وبرضه اكتر حاجه بضيع الوقت


مرسى جدا يا كنج

كلامك اكيد ياجي جي النت نزع كتير من الشباب والبنات المسيحين
انا ما بنصح بهيدا الشي لأنو أكيد غلط بغلط وما بعتقد يلي بيفوتوا عالشات مسيحين ولا بيحملوا اسم المسيح

الله يسترنا منهم عن جد شبابنا اليوم فظيعين

عندك حق بجد يا قمر النت دلؤتى بقى اكتر حاجة بتسحب الوقت بطريقة غريبة والى ينسى نفسه قدامه مش هيعمل حاجة
ربنا يحافظ علينا من حيل الشيطان الكثيرة خصوصا فى اوقات الفراغ عشن كدى لازم نملى وقتنا كله بربنا وهوايتنا والدراسة والشغل عشن الشيطان ميقدرش يتسلل للعقل الفاضى
ميرسى يا جيجى موضوع رائع